الاعلام الحقير في البلدين

أنا عاوز بس الاخوة الجزائريين اللي اندفعوا في الهجوم على المصريين يتفرجوا أولا على جميع الفيديوهات الخاصة بعملية ضرب اللاعبين في الاتوبيس سواء اللي هما مصورينها أو أي فيديو تاني
هتتأكدوا بما لا يدع مجالا للشك انها تمثيلية و محض افتراء و انا هقولكم ليه
1- اللعيبة واضحة في الفيديو و هي بتكسر الازاز
2- الازاز مقعر للخارج و بيقع برة الاتوبيس مش جواه و ده دليل انه اتضرب من جوه مش من بره
3- جسم الاتوبيس مفيهوش ولا خدش , و واضح ان كم الازاز اللي اتكسر ده كله محتاج طوب كتير علشان يكسره , هل من المعقول ان كمية الطوب ده كله مفيش واحدة فلتت و جت في البودي بتاع الاتوبيس , ده احنا كده ناخد جميع بطولات العالم في النشان , اذا كان شوية مشجعين متوترين بيعرفوا ينشنوا بالدقة دي يبقى احنا احسن ناس بتنشن في العالم
4- كلنا سمعنا في الفيديو اللي اللعيبة مصوراه صوت التخبيط بتاع الطوب لكن مسمعناش صوت تكسير الازاز المتلازم معاه , يعني يا اما الصوت ده صوت طوب جه في البودي و ده محصلش لان البودي سليم , يا اما الصوت كان من جوه و التكسير جه بعديه بزمن مش نتيجه ليه و ده بيقول انها تمثيلية حقيرة
5- الفيديوهات اللي مصوراها اللعيبة نفسهم بتوضح ان الشارع خالي تماما من البشر , يبقى مين اللي حدف الطوب ؟ عفاريت ؟
6-في فيديوا بيصور لعيبتكم بتتخانق مع بعض و هي داخلة الفندق
7- الحجر اللي ماسكة لعيبة الجزائر أي جيولجي هيكشف بسهولة ان الحجر ده مش من تكوينات مصر ولا المنطقة كلها , و ان الحجر ده من تكوينات جنوب أوروبا و تحديدا ايطاليا و ينتمي لمجموعة صخور breccias , طبعا ده غير ان الحجر اللي ماسكه اللاعب الجزائري لو كان جه في رأس حد مكانش هيعوره فقط , ده كان جابله ارتجاج في المخ على الاقل أو موته
8- ده غير الصلصة اللي حطاها لعيبة الجزائر و بتقول ده دم
9- و يا ريت تبصوا على صورة رفيق حليش و مكان الجرح اللي المفروض نازل منه الدم و نفس المكان بعد ما ربط رأسه علشان تشوفوا ان المكان أصبح بقدرة قادر سليم تماما , سبحان الله , بالسرعة دي , ده غير لاموشيه اللي اتعور المفروض في مؤخرة رأسه و الصلصة نازلة على وشه من جميع الاتجاهات , ايه مركب موتور يوجه الدم في كل الاتجاهات دي ؟ ده غير ان لسه بيسمع موسيقى عادي و السماعات حتى موقعتش من ودنه
10- المصور الجزائري في الفيديو بيقول مضربوكمش
في أدلة أكتر من كده لكل ذي عينين ؟؟؟؟؟؟؟؟؟؟؟؟؟؟؟؟؟؟؟؟؟؟؟
و يا ريت تشوفوا المشهد بتاع مرور اتوبيس المنتخب الجزائري أمام مسجد عمرو ابن العاص بعد صلاة الجمعة و المصريين بيسقفوا لهم علشان اللي بيتكلم عن الضيافة
......................................
و طبعا اللي عملتوه ده مكانش له انتقام من ربنا أكتر من الحسرة اللي حصلت في آخر دقيقة , و ان كنت حزين على الوفيات اللي حصلت في الجزائر بالسكتات القلبية جراء الصدمة , و نبهت كتير على المصريين و الجزائريين قبل الماتش انهم يخفوا التوتر و يحاولوا يشغلوا نفسهم بأي حاجة خلال الماتش و يعرفوا في الاول و في الآخر ان المكسب و الخسارة واردين علشان محدش يعاني من أي أزمة قلبية
.......................................
بعد الماتش طبعا كان لازم الاعلام الموتور المتمثل في جريدة الشروق الجزائرية تهيج الناس تاني سعيا وراء زيادة الانتشار فقط لا غير لا حبا في الجزائر ولا دياولو
خبر غريب عن وصول مشجعين جزائريين قتلى في مطار هواري بو مدين , لا و كمان يخرجوا من باب خلفي في المطار علشان محدش يشوفهم , يا سلام , ده فيلم جديد ؟
طبعا كان لازم الشباب ينتقموا لاخوانهم اللي ماتوا و يحاولوا يقتلوا المصريين اللي في الجزائر
و طبعا محدش أعار النفي الرسمي اللي طلع من سفير الجزائر بالقاهرة أي اهتمام
و محدش طبعا عارف ان لو في قتلى فعلا مش ممكن يخرجوا من مصر قبل اسبوعين علشان الاجرائات و التحقيقات , يبقى وصلوا ازاي الجزاير قبل حتى المشجعين اللي لسه على قيد الحياة , مش غريبة دي و شيء لا يصدق ولا يقبله العقل السليم
طيب محدش له قريب ولا صديق كان في بعثة المشجعين يسأله اذا كان حصل حاجة فعلا ولا لأ , ولا هو الموضوع جه على الكيف على رأي المصريين ؟
حتى الصور اللي جايبنها جايبنها لناس مفيش فيها خدش ولا جرح يبين انهم مضروبين , و في الغالب الصور دي للناس اللي ماتت في الجزائر نتيجة السكتات القلبية رحمهم الله
و بالنسبة للفيلم بتاع اعتداء المصريين على جزائريات و تجريدهم من ملابسهم , فمش هقول غير حسبي الله و نعم الوكيل , المشجعين الجزائرين قبل المباراة بيوم خلعوا ملابسهم و ساروا في الشارع متجردين من ملابسهم مما أثار استياء المارة اللي فضلوا الابتعاد سريعا حتى يبتعدوا عن القرف ده
و طبعا كلنا شوفنا مراسلة التليفزيون الجزائري و هي بتدرع بعد الماتش, اذاكانت الست بتعمل كده طيب الرجالة بتوعكم تعمل ايه ؟
ده طبعا غير الصحفي الجزائري اللي تحرش بمنسقة الاعلام التابعة للفيفا
,,,,,,,,,,,,,,,,,,,,,,,,,,,,,,,,,,,,,,,,,,,,,,,
و طبعا مش ناسي اني اتكلم على اللي اتعمل في المنتخب المصري في الجزاير , سواء اصوات السيارات اللي مخلتهومش يناموا ليلة المباراة أو بالطبع محاولة تسمييم البعثة اللي للاسف تغاضى المسؤولين المصريين عنها مراعاة للعلاقات اللي انتم مبتراعوهاش
,,,,,,,,,,,,,,,,,,,,,,,,,,,,,,,,
و بعدين مش هقولكم غير افتروا تاني علشان ربنا ينتقم منكم تاني
و ربنا اللي هيفصل بيننا و بينكم
,,,,,,,,,,,,,,,,,,,,,,,,,,,,,
و طبعا مش ناسي اسجل احتقاري للاعلام الموتور الجاهل الحقير في البلدين